Segull frá Flugumýri og Mette Mannseth unnu B-flokkin með einkunina 8,77. Í öðru sæti var Stimpill frá Vatni og Tryggvi Björnsson með 8,69 og í þriðja sæti Lína frá Vatnsleysu og Hörður Óli Sæmundarson.

Fold frá Miðsitju og Heiðrún Ósk hlutu 8,50 í einkunn og 6. sætið

Vafi frá Ysta Mói og Magnús B. Magnússon sigruðu A-flokk gæðinga, Mette Mannseth les á bikarinn hjá Magga en hún var í öðru sæti með hann Hnokka sinn frá Þúfum. Í þriðja sæti var Háttur frá Þúfum, knapi Gísli Gíslason.

Þórarinn Eymundsson sigraði á hestinum sínum, Takti frá Varmalæk með einkunina 7,28. Þórarinn leigði á sínum tíma Keilisdótturina Tilveru frá Varmalæk og hélt henni undir Kraft frá Bringu. Taktur var útkoman, alhliða hestur sem verður gaman að fylgjast með í framtíðinni. Í öðru sæti var Hörður Óli Sæmundarson á Línu frá Vatnsleysu og þriðja var Líney María Hjálmarsdóttir á Vornótt frá Hólabrekku. Heiðrún Ósk og Fold frá Miðsitju komu þriðju inn í úrslit og voru til alls líklegar en þurftu því miður að hætta keppni.