Söluhross

Náttsól frá Saurbæ IS2010257781,  myndarleg og sjarmerandi hryssa. 

Náttsól er traust og mikið tamin hryssa. Hún er fremur stór og myndarleg, mjúk á tölti með prýðisgott brokk, stökk og fet. Frábær reiðhryssa, sem hentar jafnt á námskeið, í hestaferðina eða léttar keppnir. Hún kann hinar ýmsu fimiæfingar og hefur farið í 5,60 í V5 léttum fjórgangi. Náttsól er undan Gustsdótturinni Ljónslöpp frá Bringu og 1. verðlauna hestinum Víg frá Eikarbrekku, en hann var í 3 sæti í slaktaumatölti T2 á heimsmeistaramótinu í Berlín 2013.

Myndbandið er frá því í okt 2018. SJÁ MYNDBAND

Bratti frá Saurbæ IS2010157782 er mjúkur hestur sem velur helst tölt. Bratti er með frábært ganglag fyrir hinn almenna reiðmann sem langar að eiga mjúkan reiðhest sem fer fallega og auðvelt er að ríða tölt. Bratti er alhliða hestur með mjúkt tölt, brokki er skrefgott og mjúkt, það er auðvelt að setja hann upp í stökk og hann stekkur rólega. Bratti er með meðal vilja, fer akkurat á þeirri ferð sem knapinn biður um en hvorki hraðar né hægar og er þannig mjög þægilegur reiðhestur. Bratti býr yfir skeiði en það hefur lítið sem ekkert verið átt við það. Bratti er traustur, hlýðinn og taumléttur hestur. Bratti er næmur fyrir ábendingum og hentar best fólki með einhverja reynslu eða vönu fólki. Bratti kann vel að víkja undan fæti og hægt að ríða honum inn í krossgang og sniðgang og gæti hann einnig hentað vel á námskeið. Bratti mundi líka sóma sér vel í hestaferð og gæti e.t.v. hentað í töltkeppni eins og T8 eða T4.

Bratti er undan Roða frá Múla sem hlotið hefur 1. verðlaun fyrir afkvæmi og Birtingu frá Árgerði.

Hægt er að sjá myndband af Bratta með þvi að ýta HÉR

Ljúfa frá Hvoli IS2006282013, blup 112. Ljúfa er undan Þóroddi frá Þóroddstöðum og 1. verðlauna klárhryssu, Ljósbrá frá Hveragerði en hún var á Landsmóti 2002. Fyrverandi eigendur eru hættir í hestum og því er hryssan til sölu. Endilega hafið samband fyrir allar nánari upplýsingar og spurningar, heidrun(hja)saurbaer.is eða í síma 849 5654 . Á einnig til vídeó af hryssuni á fjórða vetur.

Ert þú að leita þér að keppnishrossi, ræktunarhryssu eða bara frábæru reiðhrossi? Kannski er Blæja frá Saurbæ hryssa fyrir þig. Blæja er sjö vetra hryssa undan Hugadótturinni Hendingu frá Saurbæ og Blæ frá Hesti. Hending hefur sjálf hlotið 8,26 í aðaleinkunn, þar af 9,0 fyrir tölt, brokk og 9,5 fyrir fegurð í reið. Blær frá hesti er með 8,50 í aðaleinkunn þar af 9,0 fyrir vilja og 9,5 fyrir skeið.

Blæja hefur hlotið 8,5 fyrir tölt, brokk, vilja, fegurð í reið og 9,0 fyrir stökk í kynbótadómi.

Blæja er kát og viljug hryssa en jafnframt þjál og létt á tauminn og mjög skemmtilegt reiðhross. Hún er rúm á gangi með flottum fótaburði traust og jákvæð. Það er alltaf gaman að koma á bak Blæju.

Áhugasamir hafið samband við Pétur í síma 864 5337 eða This email address is being protected from spambots. You need JavaScript enabled to view it.

Gráskinna frá Ásgeirsbrekku IS2007258481

Gráskinna er myndarleg og sjarmerandi hryssa. Hún hefur fallegar hreyfingar og er hreingeng á gangtegundum. Gráskinna er ljúf og góð í allri umgengni, kurteis og þægileg. Hún er auðveld að ná úti í gerði og þæg í járningu sem dæmi. Gráskinna er ótrúlega þrifaleg ef hægt er að segja svo um hesta en hún er alltaf ótrúlega hrein miðað við að vera grá. Gráskinna er traust og þæg en jafnframt næm og viljug að gera það sem knapinn leggur fyrir hana, hún hentar því kannski ekki fyrir algjöra bryjendur en mjög vel fyrir aðeins vanari knapa. Hún svarar vel ábendingum og kann grunnin í ákveðnum fimiæfingum eins og sniðgang og krossgang. 

Gráskinna er u.þ.b. 138 cm á hæð á herðakamb

Gráksinna er vel ættuð. Hún er undan 1. verðlauna hryssunni Limru frá Ásgeirsbrekku sem hlaut í aðaleinkunn 8,04 í kynbótadómi. Faðir Gráskinnu er Huginn frá Haga sem er með hvorki meira né minna en 8,57 í aðaleinkunn, þar af 9,05 fyrir hæfileika í kynbótadómi. Huginn hefur einnig hlotið heiðursverðlaun fyrir afkvæmi sem er ein æðsta viðurkenning sem stóðhestur getur fengið.

Fyrir nánari upplýsingar: heidrun(hja)saurbaer.is eða 8495654